o0蚊蚊0o's profile肥蚊的私家蚊香PhotosBlogListsMore  |  Tools Help |
肥蚊的私家蚊香只要你唔是衰“蚊”，不妨入来V嗡嗡啦，哈哈！ |
||||
|
January 05 DIY生日蛋糕第一次DIY生日蛋糕。。。 第一次同肥佬佬DIY生日蛋糕。。。感觉真是几好玩！！！ 虽然我地整得唔靓。。。 虽然无出边买嘅咁好吃。。。但，无所谓啦，一样咁有成就感，yeah～～ January 03 开心一刻“一个中心”：一切以健康为中心； “两个基本点”：遇事潇洒一点，看事糊涂一点； “三个忘记”：忘记年龄，忘记过去，忘记恩怨； “四个拥有”：无论你有多强，一定要拥有爱你的人，拥有住所，拥有积蓄，拥有知心朋友； “五个要”：无论年龄多大，你要唱，要跳，要俏，要笑，要苗条； “六个不能”：不能饿了才吃，渴了才喝，困了才睡，累了才休息，病了才检查，老了才后悔！ January 01 放假好累啊! 今日是1月1号，元旦，累。。。好累。。。 放咗3日假，玩足3日，呢3日最早个晚都凌晨2点先训，真是觉得好累，原来放假，原来玩，都可以好累～～ 今朝又是凌晨3点几4点先训，补咗8个钟嘅眠之后就陪阿妈去买野。估唔到一向唔中意去上下九嘅阿妈今日居然提出要去个边买野，见距咁好兴致我都唔好意思话唔去，点知一去就真是非常后悔！无收获唔在讲，仲要逼餐死，大佬！D野唔使钱咩！使唔使咁疯狂啊！我发誓，以后有事都唔会去个边买野，无事就更加唔会去个边买野！！！真是怕怕！ December 30 万众期待歌神演唱会 唔错唔错，歌神演唱会果然名不虚传，学友你真是太劲啦！！！ 一开场就来《饿狼传说》同《头发乱了》两首高难度劲歌，带起全场气氛，紧接住就是一首首经典名歌，加上烟花同舞台灯光效果，全场气氛一下子就已经热力十足。。。歌神就是歌神，演唱会嘅每一首歌都唱到好似听CD咁好，相比起而家香港乐坛嘅所谓偶像派（垃圾），实在有过之而无不及，无论听CD定是live版都是咁完美，学友嘅实力真是无容置疑，不愧是我偶像，我会永远支持你嘎！ October 31 蜜柑，点解你走得咁突然？！ 一大早，当我仲是睡眼惺忪个阵，老豆就讲咗个噩耗我听：蜜柑跌死咗！！！！！！太突然了，我只觉得自己突然清醒，然后抱住一丝希望通屋搜寻蜜柑嘅身影，由希望到失望再到绝望，不知不觉眼泪已经控制唔到了……
我好伤心好伤心，比噹噹死个阵更加伤心，点讲噹噹都是“寿终正寝”，而蜜柑却死得咁可怜。我脑袋不断闪过蜜柑嘅模样：有调皮，有可爱……好多好多……虽然之前老豆同阿妈都想唔养，想将距放生去越秀山，但系我极力说服下距地都同意养到冬天来临为止，我知距地其实都好锡蜜柑，今日老豆一早落去除咗买早餐仲想顺便买猫粮，点知就系楼下见到蜜柑嘅尸体！距话早知系咁不如放咗距，最起码唔会死得咁惨……究竟是未我嘅坚持害咗距？如果我同意将距放生，至少蜜柑而家应该仲生存紧……究竟是未我做错咗？老公话买过只给我，但如果最后都是一样嘅结局，我宁愿唔要，我宁愿距地活得健健康康，快快乐乐…… October 11 迷茫啊！ 今日是我参加深圳发展银行培训嘅第一日，主要讲咗下距嘅信用卡概况同工资待遇，底薪唔高，但如果自己做得来工资就几可观，衔头都几好听“信用卡客户经理”（虽然是最底层嘅工作）。但每月固定业绩都几多，我从来无谂过要投身呢行，究竟我有无能力做得来呢？但而家搵食艰难，我是未应该试下呢？之前做文员觉得太闷太无聊，咁是未跑业务会更加适合我呢？真是好迷茫啊～～～边个可以指点下我啊！！！！！
 一D有趣广州话嘅由来！ “放飞机”嘅由来 何为放飞机呢？话说旧香港。有一日，就要上演飞机飞行。係香港有史以来第一次有飞机睇！仲要係部水上飞机添！全香港万众期待：有人要放飞机睇啊！第一日到来，因为打风，冇得开，众人失望而归；第二日，天朗气清，各人以为有嘢睇，点知个飞机师病咗，要推到第三日。而第三日呢，到部机个引擎出事，修理唔到。跟住就——bye bye喇！所以啲人就用放飞机嚟形容讲咗去做，又唔做嘅人嘅行为嘞！ “巴闭”嘅由来 “巴闭”来自广州话，好耐好耐以前系学习自印度话，汉朝既时候广州已经同东南亚及中东等国家人民做生意，D 印度商人好鬼嘈，成日叫：“BAP RE, BAP RE！”，呢句嘅意思係“我的天呀！”，于是广州人就学佢地咁讲，讲下讲下就变成今日嘅“巴闭”喇！ “混吉”嘅由来 原来系因为以前既小型饭店，只要你去帮衬就会免费奉送一碗清汤，饭店每日所售嘅鸡鸭鹅猪牛肉，都係用呢一锅水整熟既，所以汤入面有肉味，然后落一堆味精，就系一碗清汤啦！因为系清汤，所以入面乜料都冇，即系空空如也，香港人觉得“空”等于“凶”，所以就改成“吉”，所以碗汤就叫做“吉水”。当时，有好多穷人，入到饭店，一坐低，伙记就摞一碗“吉水”嚟，D穷人一口气饮完，静鸡鸡就走左去，因为呢碗汤系免费，所以饭店唔可以捉佢，所以伙记就叫呢种混骗嘅行为叫做“混吉”！ “杯葛”嘅由来 其实，“葛”是英文BOYCOTT的译音，意思即系“反抗和抵制”，唔讲你唔知，此BOYCOTT 原来系一个人名，佢全名叫做 Charles Cunningham Boycott，生于1832年，死于1897年，系北爱尔兰一个恶汉，专替贵族大地主等收租，手段凶残，专逼害那些穷困的佃户，一遇到冇钱交租嘅，就会诸多逼害。于是，呢班佃户一呼百应，联合起来对付逼害者。杯葛打唔过佢地，惟有落荒而逃，自始面目无光，备受困扰痛苦而死。爱尔兰佃户今次打胜仗，轰动一时，影响很大。此后但凡抵制或断绝关系，成为政治经济斗争手段，就以此位爱尔兰收租佬的姓氏命名，叫做“杯葛”也。 “大耳窿”嘅由来 原来开阜初，香港洋人印（度）人大集会，而放贵利的多数系“白头摩罗”，这些“摩罗差”戴白头巾，所以人人都叫佢地做“白头摩罗”。白头摩罗扮相古怪，爱戴一只大如铜元的耳环，所以耳朵要穿个耳洞，港人觉得可憎，称他们为“大耳窿”。不过，还有一个说法，当时放贵利，都是放小额款项如三几角钱，给劳苦大众，为使人们知到他们有钱借，便把一个银元塞在耳朵的耳窿，作为记号，令人认得。 “一蚊鸡”嘅由来 原来我地所讲嘅“一蚊鸡”系与塘西风月扯上关系；话说去塘西召妓，初步手续先写一张“花纸”，而格式亦有一定，先写自己名号(以几多自称)，中间写妓女名字，最后一行写妓院名称。写好之后，便交由酒楼杂役带去妓院，那些阿姑接到“花纸”，便应召“出局”。妓女每次局票收一元，而省港人士向来称妓女为“鸡”，既然一元召得一“鸡”，后来就索性称一元做“一蚊鸡”。顺带一提，这一元只是陪酒谈笑而已，属“体面上”的手续，如果饮客要有更进一步的行动，还要花很多很多钱，这“一蚊鸡”只系美梦嘅开始！ “十三点”嘅由来 “十三点”是上海市井俚语，因为解放之后大量上海人南移，才变成趣怪广州话。“十三点”初时意谓“敲乱钟”，原来旧时的时钟，每逢一小时便报时一次，例如下午四时，钟摆便会敲响四下，五点敲五下，至多系十二点，也不过敲十二下，但居然敲出十三响，唔通有十三点不咩？当然系出咗问题，正如俗语所讲癫癫地！所以，“十三点”就系代表人既性格“癫癫地”。 “丫呜”嘅由来 有好长一段时间，广东人已遗忘“丫呜”这俗语，不过，大约是一九八五年林子祥所唱的《丫呜婆》，重新使“丫呜”流行了一阵子。“丫呜婆”，丑怪女人，因为“丫呜”本身已经系怪物，而“丫呜婆”当然系好极有限。其实，以前有个汉朝大将军叫做刘胡，因为皮肤坳黑，所以叫呢个将军做“坳胡”。蛮人非常害怕大将军之武功，每遇小儿扭计哭啼，就索性拿这个恶人来吓孩子们： “刘胡来啦！” “坳胡来啦！” “丫胡婆来啦！”... “丫胡公来啦！” 由此可见，“丫呜”不算系甚么怪物，只是个貌丑的黑炭头将军，后来才渲染成为鬼怪！ “捉黄脚鸡”嘅由来 原来呢个搞笑俗语系出自广东的农村，农民养鸡，专养雌鸡而唔中意养雄鸡，因为雌鸡可以生鸡蛋，所以价钱不错。所以如果要拜神，当然先□雄鸡黎拜，点捉雄鸡？农民先将谷撒在门外，群鸡就会“鸡咁脚”嚟食谷，当班雌鸡食紧谷嘅时候，班雄鸡就“色心起”！懒得去食谷，一扑就扑上雌鸡背上，交配......呢个时候，正系捉雄鸡的最好时候，那色鬼当时并冇防范，农民捉住它的鸡脚，咁就得啦！雄鸡的双脚呈深蛋黄色 October 10 蜜柑回归 好开心啊，蜜柑终于翻来我屋企啦！隔咗半个月无见，距肥咗又大只咗，不过就唔是几理人啦，可能是因为短时间内给人拿来拿去，搞到距好唔习惯啦。
一日都是老公唔好，无好好照顾距T T，又唔陪距玩，成日关距系阳台（不过老公要翻工，无计啦，我都是抱怨下嗟，嘻嘻），蜜柑而家好无心机啊，D毛色都无之前咁靓啦，我好心痛啊！不过蜜柑回归，我一定会好好对距嘅，等距变翻之前活泼又靓仔嘅蜜柑。
与golf第一次亲密接触 咁大个女第一次打golf，终于有机会体验一下呢种“有钱人”的活动。
虽然教练讲咗一下正确姿势同打法，但由于我从来未接触过，所以做起身个阵周身唔舒服，后来干脆按自己中意嘅姿势打，反而有几球打得唔错（^_^，点都叫打咗出去）。反而我D亲戚经常“锄地”，所以我地叫打golf 做“锄番薯”，哈哈，好形象！golf果然是“有钱人”嘅活动，打一个波要5毫纸，D人话好似鸡蛋咁贵，哈哈，又是好形象！连普通矿泉水都要10蚊支，D人真识赚钱，不过我谂“有钱人”可能会觉得便。无计，鬼叫人地乜都无，剩是有钱咩！
打咗两个钟，打到手臂好鬼痛，于是唔打，与golf第一次亲密接触就咁结束。虽然平时无乜机会打，但讲真我实在对呢项运动好麻麻，有机会我都会选择做其他运动，唔知大家有无同感呢？
September 30 肥腾腾车队 系我去黄山个四日，陈健、小徐距地居然组咗车队，个名就叫“肥腾腾”，好搞！呢两日距地几个参加咗跑跑卡丁车比赛，虽然规模唔大，但都有幸见到高手，真是好犀利，感觉好似睇紧教学视频咁 自己玩卡丁车都有两个几月了，虽然而家嘅等级有蓝手套三指，但论实力实在配唔上呢个等级，一个是自己唔太经常玩，二是悟性低，参透唔到双喷、连喷指法，以致无心机练习。但呢两日睇到高手D跑法后，令我几有冲动去练习（虽然可能是三分钟热度 September 28 黄山归来不看岳 终于结束了黄山四日三夜游，照了好多好多相
 。黄山的风景真的很美，有雄伟，有秀丽，有险峻……令人惊叹大自然的鬼斧神工！不过更让我惊叹的是人们超凡的想象力！不是吗？随便指着一块石头就能说它像啥像啥，我可看了老半天都看不出来（除了一些特别像的），可能是本人缺乏想象力吧。 本来想国庆前去应该没有多少人，可中国的人口啊真的不能小看，黄山景点这么多，但所到之处都是人！你推我撞的就为了霸个好位照相，霸了以后还要慢慢摆pose，我心想，难道他没看到很多人等着他吗？一个字：烦！
爬黄山真的很累，我之所以用“爬”字，是因为上黄山真的要爬！要手脚并用的爬！特别是在一线天，很高很陡，上的脚都软了，还能不爬啊？为了小命，不顾仪态都要爬了。去了黄山以后我终于能了解“黄山归来不看岳”的“真谛”，那就是累得不想去爬别的山了！哈哈！大家如果有机会，也去体验一下“黄山归来不看岳”吧！ September 10 噹噹 噹噹永远离开我了，永远离开这个世界了。继叮叮，它另外两个老婆和七个子女后，噹噹也都终于走完了仓鼠平凡而短暂的一生。
回看过去的日记，我是在2004年7月29日买它回来的，不知不觉已经过了两年了，在这两年里，噹噹带给我及家人很多很多欢乐，我真的很感谢它两年来的陪伴。虽然近一个月来我已经预料到噹噹即将离我而去，但当刚刚我摸到它冰冷而僵硬的身体的时候，我还是不住的呆了，我说不出那是怎样的一种感觉。或许噹噹真的是寿终正寝，快乐而安详的死去，我以为自己不会伤心，但当我亲手处理它的尸体时，还是忍不住哭了出来，毕竟它陪伴我两年了啊，即使不是很长的时间，但也不算短啊，虽然说不上跟它建立了很深厚的感情，但作为我的宠物，它带给我的欢乐是不可否定的，由于家庭环境的原因，我竟然连一个简单的坟墓都不能给它，到最后它也只能像垃圾一样地被我丢弃……原谅我吧噹噹，在此以一篇也是我的第一篇网络日记来纪念你，希望你到了天堂后能再见到你的老婆和子女，能有吃不完的葵瓜子，能自由自在的生活，能够快快乐乐……
|
|
|||
Send a private message
Tell a friend
Add to My MSN
Add to your network
Sign up for alerts
|
|
